hey guys
und, hets underdesse i de schwiiz scho schnee geh?
ich chan mir das momentan gar noed vorstelle, wills do so heiss isch. isch es komischs gfuehl mit churze hose durd gstell vo de wiehnachtsabteilige vo de laede zlaufe...;-)
huet han ich choene min flug uf de 10.januar verschiebe!!:-) ich werd also erscht am samstig de 12.januar z'zueri acho.
wills noed moegli gsi isch i dere ziit ab brisbane z'fluege han ich eze en flug ab melbourne.
bin aber ueberhaupt noed ungluecklich drueber, will ich jo sowieso gange go reise, d'route aber nonig feschtstoht.
letscht wucheend bin ich ufere whale watching tour gsi... choend d'foeteli aluege... mit minere digicam bin ich aber immer echli zspot gsi. chume aber vonere kollegin spoetr no besseri ueber.
das waers mo fuers erschte...
heissi gruess
silvia
Subscribe to:
Post Comments (Atom)
5 comments:
Salutti!!
Soso, du häsch dä flug verschobe...däbi, gibs doch zue, du vermissisch die iskalte, grusige, graue und regnerische Täg vo dä schwiz uuuuu mega und eigentli schissts di doch a, dass jetzt immer im t-shirt muesch umelaufe, nie en schirm chasch mitneh, nie di so richtig kuschlig warm chasch alege...:-) du wirsch mega niedisch si, wenn i dir jetzt säg, dass i am letschte Olmasunntig tatsächlich scho verschneit worde bi und zst.galle wissi dächer gha hät...
dföteli sind echt mega cool! und wie gsehts us, häsch au surfversuech gstartet wennd scho in surfers paradise gsi bisch??;-)
liebi regnerischi eher kühli grüess
Janine
Jo die Fötteli wärde jo emmer besser, do werd mer emmer niidischer, ofs Wätter, ofs Meer, ofe Strand... Eis fendi ganz guet, do händer meini Seegang gha (oder esch der öpe schlächt worde?? ;))
Ond send jetz die Wahle so rechtig ufgompet ond händ ech echli agsprötzt? Sösch wennt emou wotsch luege wes be öis usxeht: SFMeteo
Die Kameras send em fau scho an loufe, es esch wörklech so grau verosse!
hey everybody!
janine, ich chan dir nume zuestimme... wo ich d'live-cam (die findi super!) vo sf meteo aclickt han, bini tatsaechlich niedisch worde!;-)grau hani gseh und nomol grau und viclicht nochli wiise nebel....
surferversuech hani no kei gstartet... mal gucken... hans jo noed so mit em glichgwicht;-)
zu sebere ziit woni das schraege foti gmacht han, isch mir wuerkli schlecht gsi, aber es isch au u schwierig gsi es foti zmache wo einigermasse grad isch wills so gwellet het.
best wishes
silvia
chann glaub gad gar nöd beschriebä wie niedisch dass ich bin...;-) und mue der jetzt drum doch no sägä: ab und zue schiint au bi üs no chli d'sunnä! ;-)
Stimmt Judith, mir müänd üses Herbstwätter nid schlächter mache als äs eigentlich isch... Klar, mit t-shirt und shorts chasches nümmer verusse woge, aber woni die erste Schneeflöckli gseh han, ischs mir gliich chli warm ums Härz worde *I love snow*;-) und ab und zue (jaaaa, ich weiss, sältä:-)) loht sich ja sSünneli au blicke;-)
Aber zuegäh, gäg Australie isch das halt nüt... Und die Walfötäli sind also ächt mega!!! Muess äs mega Erläbnis sii die mol live zgseh!!!
Los, wiiteri Fötäli uelade damit mir gsehnd was du so erläbsch;-)
*muah* Co
Post a Comment