es grosses unglueck isch passiert: mini camera isch kaputt!!!!!!
ohhhh mensch, irgendoepis mit de linse isch futsch. ich mues sie ischicke und es chan mehreri wuche go bis ich sie wieder han!!!
drum wirds i noechster ziit kei oder wenn nume wenig fotene geh!:-( vilicht chan ich vo anderne fotene ha, dass ich glich erinnerige han.
wil ich eui ez kei neui bilder chan zeige, werd ich eui es paar anektote vo miner hostfamily zum beschte geh:
- zum bispiel swaesche do isch es richtigs abenteuer. wil do jo swasser knapp isch, het mini family vor johre en tank istalliert wo swasser wo vom dach abechunt sammlet. zum dwoeschmaschine im undergschoss zum laufe bringe, schluesst mer de garteschluch am tank (man bedenke er isch uf de andere huussite als de iigang zum undergschoss;-))a und zieht en under em huus dure bis zur woeschmaschine. doet loht mer swasser (chalt) ilaufe und wartet bis maschine voll isch. daenn rennt mer zrug zum tank zum en abstelle. so, de erscht schritt waer gschafft!!
mit seife und chaltem wasser wird woesch automatisch gwaesche.
dass jedoch s'woeschmittel usegoht, muess mer die ganz maschine nomol vo hand mit em schluch fuelle und dmaschine wiiteri 10min laufe loh.
- mini hostparents: ich han mich schnell dra gwoehnt, dass sie in dauerndem striit sind, besser gseit, d'bernie dmuetter striittet mit em tony und er ignoriert si. am afang bin ich echli confused gsi aber underdesse I'm used to it. sie het zum bispiel scho gseit: don't pay attention what he says, he's going mad!!!
wil dbernie gern musig het waehrend em aesse, stellt sie sie immer wieder i, obwohl de tony fascht taub isch und dgsproech noed verstoht wenn musig im hindergrund lauft. letscht wuche het sie eimol meh so panfloetemusig igstellt und er het dodrufabe gmeint: " what e stupid noise is that!!" und het dmusig usgstellt! ( do han ich mis lache nuem choene verhebe...;-))
-mini hostmother complains about anything. ihre tuet alles weh, mer soettet immer sgartetor abschluesse, churz vor de abreis noch new zealand het sie gseit sie choengi noed go will sie kei gueti schueh hegi, und und und....
underdesse sinds aber trotzdem abgreist zum ihren sohn doet zbsueche. mini hostsister emma het gescht obig aber gmeint, dass sie immer scho so gsi und mer sie eifach rede loh soell. usserdem het sie an stell vo ihrem dad weg de vorherig gnennte gruend ihri muetter noed ghuerote!!;-D
so, da waered mol wieder es paar neuigkeite. am wucheend gang ich noch noosa. en schwiizer student het die tour organisiert fuer 20 luet. leider hend i uesere underkunft nume 12 luet platz drum muend 8 verrusse im zelt schlofe und noch einere nacht wird gwechslet.... mol luege wie das usechunt!;-)
ganz liebi gruess
euri silvia
4 comments:
hi there!
wie lang sind denn diä z'new zealand? denn häschs jo jetzt mol chli ruhiger...tönt gad chli noch ägschän...;-)!
isch jo megaschad wäg dinerä kamera, aber hät jo sicher au immer anderi lüt umä wo föteläd.
so, i wish you
hey judy!
das mit minere kamera isch jo echt en riese sch....!!
chan aber i de zwuescheziit die vo minere hostsister emma uslehne!!!:-)
die sind 10 taeg i de ferie und ich bin noed ganz ungluecklich drueber wil es isch scho einiges ruhiger. *ooops*;-)
wie laufts bi dir so? was gits neuis?
kisses
nüüüüüüüüüüüüüüüüt nois...langwilig wie immer...;-) stifted mi jo au niemer a zum dummheitä machä, wenn du nöd umä bisch...*lol*
grükü
Ui das glaub ich eifach nid... Du höcklisch gmüätlich am Strand ide Sunne, wirsch bruuner und bruuner und ich bin gester Obig sersti mol ihgschneit gsi!!! sHät soooo gschneit gha (sind ja am Probeweeky gsi) dass mir glaub würklich nümme wäg cho wäred. Aber sisch halt schön, die wiise Flöckli wo abe chömäd...*es weihnachtet sehr*:-) Aber dä Pflotsch hüt hetti dänn halt nid müässä sii*wääh*
Ui nei, das isch ja ächt än riese Seich! Die Kamera häsch ja gar nonig lang und sie goht au grad im dümmste Moment kaputt:-( Zum Glück dörfsch dä Emma ihri näh, die schiint no ä flotti zsii, oder tüschi mich?!
Oh-oh, Syu allone at home*glucks* Chunnt das guet?:-P Luegsch dassd sHuus nid uf dä Chopf stellsch und kei Seich machsch;-)
Schicke dir ä festi Umarmig mit ere chline Schneeflocke als Ahhang:-)
dini Co
Post a Comment