ez isches doch glich scho wieder es wiili her sit ich sletscht mol oepis gschriebe han... aber es git do soviel ztue, dass ich fascht noed dezue chume.
ich bin underdesse sit 6taeg uf magnetic island. das isch e insle vor townsville wo sehr bekannt fuers tauche isch.
zum chli zbeschriebe: mis backpacker isch out of nowwhere, es het zwenig empfang zum oepertem aluete (a gwuesse oertli chamer sms empfange) und de letscht bus isch am 7i! woni acho bi hani denkt, dassi do e ruhigi wuche ha werd und so isches au usecho...
aber zerscht mol de reihe no... fang ich doch am beschte bi wiehnachte ah...
ich han chli angscht gha wo ich do am 24te acho bin wil ich kein mensch do kennt ha und ich uf kein fall ha welle wiehnachte allei verbringe. uf de faehre han ich aber 2 chilene kenneglernt und mir sind zaeme go poschte und hend spoeter (noch suedamerkanischer ziit 23.00 uhr) gesse. es het feini pasta mit chicken und ere wuerklich guete sauce geh. verusse direkt am strand hemer gesse under palme!! isch jo so strub gsi, aber e erfahrig woni nuem vergesse wird!
muend eui vorstelle es isch so heiss, dassmer am liebschte drin i klimatisierte ruem bliebt und erscht am obig usechunt.
doch australie het immer e ueberraschig parat. am 26. 27. 28. hets do so gstuermt, graegnet und gwindet, dasses mir angscht und bang worde isch, wil min tauchkurs do het soelle afange... es het mir sogar min salot vom teller furtgwindet!!!;) *mensch, i ha mir doch so mueh geh zum chli choche und daenn das!*
i stroemedem rege hend mir noch ere theoriepruefig uesen erschte tauchgang im pool gha... es isch es absoluts hammergfuehl under wasser choene schnufe!
han richtig freud becho, obwohl ich fascht verfrore bin...
und huet sind mir s'erscht mol is meer go tauche.. im erschte moment hani ziehmli panik becho, doch noch churzem hani mi dra gwoehnt (isch natuerli schochli oepis anders als im pool) und hans richtig choene gnuesse. mir hend verschiedeni uebige under wasser gmacht wie de luftkanal us em mund zneh oder d'maske ab und azieh. leider hemer noed viel gseh wils i de letschte taeg so gstuermt het. nume oepe 1m wiit. ich hoffe morn gsehts chli besser us.
jo, dass waers oepe gsi vo de letschte paar taeg.. morn reis ich ab noch cairns fuer neujohr.
und ihr was hend ihr so fuer plaen zum is neue johr inefiire?;)
bald bini wieder dihei, i freu mi sehr wieder bekannti gsichter z'gseh!
i wuensch eui uf dem waeg en guete rutsch und bis gli
euri syu
Subscribe to:
Post Comments (Atom)
2 comments:
hey du!
ich freu mich eifach immer wieder vo dir z'läsä und findäs kuhl, was du alles dörfsch erläbä!
aber eis mueni no sägä...salot muess mer nöd würklech chochä, oder? *gröl*
ich wünsch dir au än guetä start is 2008! werdä im rüümli mindeschtens 1 uf dich trinkä...;-)!
i dem sinn cheers und a happy new year!
grüküum, judith
hiiiiiiiii judy
oooh danke fuer dini liebe wort.
han au immer u freud vo dir zlaese wil du min blog jo flisig bsuechsch und au immer wieder din kommentar dezue gisch.;) au vo wege salot: ich han ravioli gchochet und i de andere hand de salotteller treit. han also e gueti erklaerig... muesch mis duetsch entschuldige.
ich hoffe euies neujohr isch noed allzu durschtig gsi im rueuemli(schriebt mer doppel ue e so?!)...;)
vilicht soetsch mer de bricht daen eher per mail schicke und noed uf oeffentlichem waeg so wie do...;) oder?*bigsmile*
anyway, all the best for u in 2008!
bigkiss
Post a Comment