mini super ziit do in brisbane neigt sich definitiv em endi zue. am samstig reis ich ab richtig cairns. ich mues leider tschuess saege zu vielne coole, nette, friendly und crazy (for example jam) people, wil di meischte werd ich nueme gseh.
waehrend em reise wirds wohrschindlich noed moeglich si foeteli uf min blog zlade, doch echli oepis schriebe werd ich scho choene.
muend eui also chli gedulde, wenn ihr nuem so viel vo mir ghoere werded, aber bald bin ich jo scho wieder zrug i de chalte schwiiz.
ez aber no es paar events vo letschter ziit:
letscht wuche han ich es netts rendevous mit emne iheimische tierli gha:
aber ich wett eui di ganz story noed vorenthalte...
ich bin um di 11i ume vom bahnhof heiglaufe und es isch ziemli dunkel gsi... wills aber e sicheri gegend isch bin ich noed verunsicheret oder aengschlich gsi. binere chruezig het e lampe nuem so richtig funktioniert und nume no so gflackeret. isch jo noed witer schlimm hani denkt...
doch woni noecher cho bin het s'liecht ufgflammt (sorry mis tuetsch isch jo schrecklich!!!*grins*, find aber keis bessers wort) und ich ha oepis ca 1.5m vor mir uf em bode gseh liege. bin noed sicher gsi obs en veloreife oder e schlange isch. wil aber dlampe kaputt gsi isch, isches dunkel gsi und ich han nuet meh gseh. ich bin es paar schritt zrugg und han mini camera fueregnoh und das foeteli gmacht:
muend eui vorstelle, ich little silvia, znacht, mit churze hose und flipflops allei vor ere schlange!!!!! ich glaub ich mues noed beschriebe wie ich mich gfuehlt han...;)
schnell han ich en grosse boge drum gmacht und bin i de mitti vo de stross wiiter heiglaufe, eher grennt zum ehrlich si. miner meinig isches weniger gfoehrlich i de mitti vo de stross als uf em trottoir wo alli gaerte agrenzed und jederziit e schlange hervorzische chan.
mensch, bin ich froh gsi woni dihei gsi bi!!
zum ez aber di ganz gschicht no ufzloese, chan ich afuege, dass en aeltere herr wo ich jede morge am bus stop triffe gseit het dasses e harmlosi und toti schlange gsi isch. (er het si am morge noch mir au gseh).
themawechsel: es isch glaub ziit fuer mol wieder es chlises raetsel. dasmol isches aber nume no halb so schwierig wies letschte;)
wieso het de ricky e tuube i de hand?
also, wuer mi freue echli news us de schwiiz zghoere, take care
yours silvia
5 comments:
Wetter äch es briefli heischecke ond das esch en brieftuube. Oder sender go schlange em Zoo aluege on aui wo sech getrout händ händ si döfe alänge, die wo sech net getrout händ händ aber döfe e Tube alänge. Velech esch das jo sis Huustier ond er hetw ed Schueu metprocht zom zeige...
"good try" wuer mini ehemalig lehrerin belinda mit emene underton saege!;)*grins*
hallo syu
rätselslösung...
ech glaube, du besch in zoo dich go erkundige, was binere schlange alles ofem menue-plan stoht... si händ der denn gseit, dass du kei angscht müessisch ha...du hesch da aber noni glaubt ond somet het er der die gröschti schlangemahlziit grad live zeigt...!!!???!!! :-)
bi ois esch es wörkli bisig chalt, gniesses also nochli in downunder!
ech wönsche der no ganz en bsennlechi, heissi ;-) adventswoche ond natürli i 8 täg au schöni wiehnachte...
liebi grüessli
maROmaro
es rätsel för dech, syu ;-)
hej!
:-( das mit äm schlangäfuetter hani au wellä vorschloh¨...
jetzt bini ehrlech xeit gad chli rotlos...vilicht isch das ä bsunderi chochzuetat, do jo in australie angeblech nöd alli lüt so guet chönd chochä...;-)
grüssle ju
p.s. jo, an silvester isch träffä in brunau downtown axeit...;-)
p.p.s. d'lili hät ihräs psswort verhüehnerät und loht sich entschuldigä, dass sie scho lang nüt meh inägschriebä hät...!
hey u guys!!
u did a good job!!!;) i'm proud of u!
aber ich werds eui jetzt verrote:
wie gseit dloesig isch einiges simpler als eui vorschlaeg, obwohl die einiges spektatkulaerer waered. i de cafeteria vo de schuel isch dtuere offe gsi und die frech tuube het sich doch tatsaechlich getraut zum inne cho! de ricky us em tessin het die glegeheit natuerli noed usgloh und isch ere nogsprunge und het sie noch langem tatsaechlich verwuetscht... isch aber es gaudi gsi zum zueluege!!!!;-D
an ro: dis raetsel isch eifach gsi, aber mer choents jo au so mache: maromaRO, oder?;)
cheers!
Post a Comment