happy new year

ez isches doch glich scho wieder es wiili her sit ich sletscht mol oepis gschriebe han... aber es git do soviel ztue, dass ich fascht noed dezue chume.
ich bin underdesse sit 6taeg uf magnetic island. das isch e insle vor townsville wo sehr bekannt fuers tauche isch.
zum chli zbeschriebe: mis backpacker isch out of nowwhere, es het zwenig empfang zum oepertem aluete (a gwuesse oertli chamer sms empfange) und de letscht bus isch am 7i! woni acho bi hani denkt, dassi do e ruhigi wuche ha werd und so isches au usecho...

aber zerscht mol de reihe no... fang ich doch am beschte bi wiehnachte ah...
ich han chli angscht gha wo ich do am 24te acho bin wil ich kein mensch do kennt ha und ich uf kein fall ha welle wiehnachte allei verbringe. uf de faehre han ich aber 2 chilene kenneglernt und mir sind zaeme go poschte und hend spoeter (noch suedamerkanischer ziit 23.00 uhr) gesse. es het feini pasta mit chicken und ere wuerklich guete sauce geh. verusse direkt am strand hemer gesse under palme!! isch jo so strub gsi, aber e erfahrig woni nuem vergesse wird!

muend eui vorstelle es isch so heiss, dassmer am liebschte drin i klimatisierte ruem bliebt und erscht am obig usechunt.
doch australie het immer e ueberraschig parat. am 26. 27. 28. hets do so gstuermt, graegnet und gwindet, dasses mir angscht und bang worde isch, wil min tauchkurs do het soelle afange... es het mir sogar min salot vom teller furtgwindet!!!;) *mensch, i ha mir doch so mueh geh zum chli choche und daenn das!*

i stroemedem rege hend mir noch ere theoriepruefig uesen erschte tauchgang im pool gha... es isch es absoluts hammergfuehl under wasser choene schnufe!
han richtig freud becho, obwohl ich fascht verfrore bin...
und huet sind mir s'erscht mol is meer go tauche.. im erschte moment hani ziehmli panik becho, doch noch churzem hani mi dra gwoehnt (isch natuerli schochli oepis anders als im pool) und hans richtig choene gnuesse. mir hend verschiedeni uebige under wasser gmacht wie de luftkanal us em mund zneh oder d'maske ab und azieh. leider hemer noed viel gseh wils i de letschte taeg so gstuermt het. nume oepe 1m wiit. ich hoffe morn gsehts chli besser us.

jo, dass waers oepe gsi vo de letschte paar taeg.. morn reis ich ab noch cairns fuer neujohr.
und ihr was hend ihr so fuer plaen zum is neue johr inefiire?;)

bald bini wieder dihei, i freu mi sehr wieder bekannti gsichter z'gseh!
i wuensch eui uf dem waeg en guete rutsch und bis gli
euri syu

i wish u a merry christmas!!!:)

ich han ghoert, dasses i de schwiiz ziemli froschtig her und zue goht...

wie gschriebe bin ich mit em bus ueber nacht noch airlie beach gfahre und wie befuerchtet han ich noed wahnsinng erholsam gschlofe.... mmmh oepe 2h in total... defuer isch glatt gsi, wil 2 anderi vo brisbane au uf em gliche waeg gsi sind, doch mit ere andere busorganisation. bi jedem stop mitte i de nacht out in nowwhere hemmers wieder troffe! das isch wuerkli glatt gsi!:)

wo mir aendlich do acho sind und us em bus gchraxled sind, hets ues fascht hinneuseghaue! e brutali hitz het ues entgegegschlage! (ca.36 grad und dezue anne unglaublich humid)

mir hend schnell ueses backpacker bezoge und ich bin min medical dive go mache wo mir erlaubt uf magnetic island d'tauchlizenz z'mache... alles isch i.o. und sie hend denn alles teschtet... lunge, ohre beweglichkeit, balance, auge,... und ich han doch glatt bestande und es soett mir nuet meh im weg stoh zum abztauche!;)

wil mir jo noed soviel gschlofe hend sind mir alli ziemli frueh is bett. mir sind underdesse 6friends from brisbane gsi und nume ein fremde het i uesem zimmer gschlofe...

mitte i de nacht verwach ich und han gmerkt, dass oepert naebed mich anelieht (im bett). zerscht hani gmeint d'fabienne oder d'leona het schlecht gschlofe oder suscht isch oepis los mit ehne, doch ziemli schnell hani usegfunde, dass es sich dodoebi noed um oepert bekannts handlet!!!!!!!!!

ich bin so perplex gsi, dass ich eifach gseit ha: " get out of my bed!!". doch de typ isch so zue gsi, dasser irgendwie grad gar nuet me gschnallt het... noed emol me sis bett het er gfunde und s'badzimmer het er annere wand gsuecht, bis ich ihm gseit han wo ers besser findet.

mensch, dass isch jo en schock gsi! (und zu allem uebel han ich en huet 3taeg spoeter tatsaechlich wieder troffe!)

aber ez zu miner hauptaktivitaet do in airlie beach:

ich han en 2tag, 2nacht trip uf emne segelschiff called "silent night" buechet.

am 2 waer treffpunktzyt gsi und ich han brav mit de andere am hafe gwartet obwohl die es anders boot gha hend... noch laengerem han ich gmerkt, dass mis boot irgendwie noed uftaucht und han mol vorsichtig ein gfroeget und dae het gmeint, dass ich am falsche hafe segi!!!! isch wiedermol typisch syu!!!;)

so schnell wie moegli bin ich zum andere ort grennt und han doch tatsaechlich mis schiff noh verwuetscht. de nebeeffekt wo das ganze nume gha het isch gsi, dass alli scho min name gwuesst hend will sie scho es ziitli gwartet hend! i felt so ashamed!*smile*

nichts destotrotz sind mir us em hafe use und losduesed.... ich han gstunt wie schnell mir gfetzt sind. mini gruppe isch zwar eher echli aelter aber luschtig zaemegsetzt gsi: hollaender, ire, englaender, ein aussie, es italienschs paeaerli (tuet mer doppel ae wuerkli so schriebe???) und ich. am spoetere nomitag hend mir s'erschtmol choene go schnorchle und es isch eifach nume beeidruckend gsi. d'koralle sind uu farbig und sehr underschiedlich in form gsi. ich bin us em stuune fascht nuem usecho... wie imne underwasserfilm...

i uesere crew sind 2 luet gsi: dae andy (skipper) und de sam (lonely cabin boy, wie er sich selber nennt). de sam isch fruehner choch gsi und drum hend mir waehrend uesem ganze trip unglaublich guet gaesse.

mis bett uf dem boot isch grad nebed de chuchi gsi und ein ire het unglaublich gschnarchlet... das choend ihr eui eifach noed vorstelle... alli sind wach ussert dae und fanged mitte i de nacht a schimpfe wie z.B: "shut up, larry" oder "jesus christ". dae schnarcher "larry" het aber vo dem allem nuet mitbecho au wenn ihn sin kumpel am bei zoge het und het friedlich wiiterchroesed.

waehrend de erschte nacht isches no eingermasse ertraeglich gsi aber i de 2te bin ich am morge am 3 mit mim liintuech ufs deck ufezuegled!!! doet obe isches unglaublich schoen gsi... de mond ueber em horizont, welle wo as boot schlaged und ab und zue wiedermol en fisch wo us em wasser gumped (vilicht au delphin).

apropos tier: am 2te tag hend mir en stop binere insle gmacht und sind an land gange. vo doet us hend mir rieseschlildchrote (oepe 1m durchmesser), babyhais und delphin gseh schwimme. it was just amazing.

bi dere insle gits de 4most photographed ort vo ganz australie... es isch white heaven beach. das isch en strand mit puderwiisem sand, tuerkisem wasser und eifach nume wunderbar... wenn ich heichum werd ich eui d'foeteli zeige und ihr werded euien trip doet here grad welle bueche! es isch unmoeglich in wort z'fasse aber ich han eui es bild us em netz kopiert und ich mues saege, dasses in wuerklikeit no schoener usgseht!! (i'm sorry;))

spoeter hend mir nomol gschnorchlet und es het s'andermol vom vortag no topped. ich bin mitte i fischschwaerm gschwumme und es isch eifach wie innere andere welt gsi! ich het stundelang choene im wasser ume schwadere und die underwasserwelt bestune!! unbeschrieblich!

das isch bis ez oepis vom schoenschte vo ich je mim lebe gseh han.

ez bliebt mir nume no eui schoeni wiehnachte zwuensche, obwohl do so gar nuet noch wiehnachte isch... ich reise morn wiiter und ich werd s'erschtmol allei sii fuer e wuche. mol luege wer ich i mim backpacker triffe zum wiehnacht z'verbringe... komischi vorstellig irgendwie, aber ich werds bestimmt nie meh vergesse

also, machets guet und loehnd mol oepis vo eui ghoere.

euri syu

di erschte taeg vo de reis

am samstig bin ich definitiv vo brisbane abgreist und es isch mir unglaublich schwaer gfalle allne luet tschuess zsaege. natuerlich sind mir alli zaeme am fritigobig no in usgang und hend de letscht obig no so richtig uschoschtet. dae jake (corean) het frueh muese heigoh het mich aber by the way gfroged vo wo dass ich am samstigmorge abreise und um welli ziit. ich han mir nuet wiiters debi denkt und mich au vo ihm verabschieded. wo ich denn aber am noechschte morge mis gepaeck ichecked han, het er mir agluetet und gfrogt wo ich segi... "in roma street station" han ich gantwortet. "er au" het er gmeint und ich bin voellig verwiirt gsi, wil ich gwuesst han, dass er noch melbourne abfluegt... noch langem han ich daenn aentlich gschnallt, dass er do verbi cho isch zum mir nomol tschuess zsaege... oh mensch, wie freud han ich wege dere ueberraschig gha!!!:)

underdesse bin ich in hervey bay. bis gescht han ich e druetaegigi tour uf fraser island gmacht. das isch di groeschti sandinsle vo de welt. kei erde, kei stei, nume sand und wald. doet druf hets en huufe unglaublich schoeni tuerkisi, grueni, schwarzi und wiisi suesswassersee. wer luscht het chan mol im netz under " fraser island" go sueche. aber aufgepasst, ich bin mir sicher dass ich total iversuechtig werded wil es isch eifach paradiesisch.
mit ere tour bin ich umegreist und han mir all di schoene plaetz agluegt. am letschte tag hets aber voll gregnet!!! stelled eui vor, ihr hend nume badhose 1 nasses t-shirt, 1 nassi hose und es nasses badtuech debi und ihr fruehred wie ein .....;) di einzig moeglichkeit zum chli choene ufzwaerme isch gsi ab in see inegumpe und so lang wie moeglich drin bliebe!! s'problem dass mer irgendwenn wieder usemue isch zu sebem ziipunkt sehr unwichtig gsi...
ich han aber e ganz e cooli gruppe gha... ich bin di einzig duetschsprochig schwiizerin gsi... di meischte sind aenglaender oder duetschi gsi...
huet obig fahr ich mit em bus wieter noch airlie beach vo wo ich daenn uf en segelturn gange... ich hoff eifach dass ich noed seechrank werde...;)
by the way... ich bin do noed allei will 2 schwiizerinne vo langports zuefaelligerwiis au do sind und ich gseh sie immer wieder uf minere tour... bin momentan grad chli froh, dass ich de afang noed ganz allei bewaeltige mues!:)
so, ich mues wiiters... ich han leider kei ziit zum foeteli waered minere reis ufezlade, aber ich werd immer wieder echli brichte.
liebi wiehnachtsgruesslis
silvia

hello

mini super ziit do in brisbane neigt sich definitiv em endi zue. am samstig reis ich ab richtig cairns. ich mues leider tschuess saege zu vielne coole, nette, friendly und crazy (for example jam) people, wil di meischte werd ich nueme gseh.

waehrend em reise wirds wohrschindlich noed moeglich si foeteli uf min blog zlade, doch echli oepis schriebe werd ich scho choene.

muend eui also chli gedulde, wenn ihr nuem so viel vo mir ghoere werded, aber bald bin ich jo scho wieder zrug i de chalte schwiiz.

ez aber no es paar events vo letschter ziit:

letscht wuche han ich es netts rendevous mit emne iheimische tierli gha:

aber ich wett eui di ganz story noed vorenthalte...

ich bin um di 11i ume vom bahnhof heiglaufe und es isch ziemli dunkel gsi... wills aber e sicheri gegend isch bin ich noed verunsicheret oder aengschlich gsi. binere chruezig het e lampe nuem so richtig funktioniert und nume no so gflackeret. isch jo noed witer schlimm hani denkt...

doch woni noecher cho bin het s'liecht ufgflammt (sorry mis tuetsch isch jo schrecklich!!!*grins*, find aber keis bessers wort) und ich ha oepis ca 1.5m vor mir uf em bode gseh liege. bin noed sicher gsi obs en veloreife oder e schlange isch. wil aber dlampe kaputt gsi isch, isches dunkel gsi und ich han nuet meh gseh. ich bin es paar schritt zrugg und han mini camera fueregnoh und das foeteli gmacht:

muend eui vorstelle, ich little silvia, znacht, mit churze hose und flipflops allei vor ere schlange!!!!! ich glaub ich mues noed beschriebe wie ich mich gfuehlt han...;)

schnell han ich en grosse boge drum gmacht und bin i de mitti vo de stross wiiter heiglaufe, eher grennt zum ehrlich si. miner meinig isches weniger gfoehrlich i de mitti vo de stross als uf em trottoir wo alli gaerte agrenzed und jederziit e schlange hervorzische chan.

mensch, bin ich froh gsi woni dihei gsi bi!!

zum ez aber di ganz gschicht no ufzloese, chan ich afuege, dass en aeltere herr wo ich jede morge am bus stop triffe gseit het dasses e harmlosi und toti schlange gsi isch. (er het si am morge noch mir au gseh).

themawechsel: es isch glaub ziit fuer mol wieder es chlises raetsel. dasmol isches aber nume no halb so schwierig wies letschte;)

wieso het de ricky e tuube i de hand?

also, wuer mi freue echli news us de schwiiz zghoere, take care

yours silvia

hi everybody

as promised meld ich mich scho wieder!;-)

min ufenthalt do in brisbane goht langsam em end zue, was au heisst dass mini pruefige astoend.

letscht maentig und huet han ich di erschte beide teil gha und noechscht mittwuch de rescht.

doch tuen ich eui doch lieber vo anehmlicherem verzelle.

for instance: letscht wucheend het mini schuel es christmas picnic organisiert... en santa clause het dodebi noed toerfe faehle (man bemerke, dasses oepe 28 grad heiss gsi isch und i dem chleid.... naja... lieber er als ich!;-))

d'hostfamilies sind au iglade gsi doch mini parents hend noed choene cho: das woechtliche pferderenne isch agseit gsi.;)

am obig sind mir eimol meh in usgang und hend jo oepis glatts gseh: wils jo bald wiehnachte isch, uebrall ufghaenkti schneesymbols das akuende soetted, doch das ganze bi knapp 30grad noed ganz ueberzuegend isch, loend sich d'ossis oepis luschtigs ifalle: e schuumparty, isch jo fascht wie schnee!!!!!!*groel*

am sunnig het d'bernie offeriert mich an en platz zfahre, wos immer viel freii kaenguruh het. jo klar han ich do noed nei gseit... (han zu dem ziitpunkt nonig gwuesst i wafuer lebensgfohr ich mich bringe werd)

also, mir sind mit em auto losghoeterlet richtig autobahn. scho ziemli bald han ich usegfunde, dass sich mini hostmother noed wahnsinnig wohl fuehlt doet und sie eigentlich kei ahnig gha het, wo de punkt eigentlich isch. actually, es het nume 20min in aspruch gnoh, mir hend aber fuer ein waeg 1 h 10min brucht. sie het dauernd d'usfahrte verpasst und daenn noed grad choene chere, ihren sinn of orientation loht zwuensche uebrig und wo sie oepr noch de richtig gfrogt het, het sis noed glaubt (spoeter hemer usegfunde dass de herr richtig gsi isch*groel*). usserdem het sie es stopschild ueberseh und mir sind eifach ueber d'chruezig gschliederet und mit ere vollbremisig zmitzt uf de chruezig gstoppt!!

zum aber zum hoehepunkt vom usflug zcho: d'stross zu dem ort mit de vilne kaenguruhs isch momentan leider gschlosse gsi!!!!!! ich het jo fascht en schreichrampf becho wo mir doet acho sind!!!

mir hend zum guete glueck doch es paar kaengis gseh, doch nume en bruchteil wovo sie gschwaermt het.

d'heifahrt isch even more ufregend gsi: wil si noed het welle dur dstadt zrugg fahre (obwohls am sunntig wenig verchehr het, hemer en laengere waeg in agriff gnoh.

nochere autobahn usfahrt hets echli en komplizierte kreisel gha. mini fahrerin het aber noed realisiert, dasses sich daebi um en chreisel handlet sondern um e chruezig. churzerhand haet sie noch rechts blinket (do hemmer jo linksverchehr) und het welle iibuege... ich het zu dem ziitpunkt gaern mis gsicht gseh, wil ich ziemli forsch gseit han, dass sie das noed mache choengi!!

2sek spoeter hets sies au realisiert will vo dere site mehreri autos cho sind!!!

ufff, I'm still alive!:)

wo d'bernie dgschicht bim znacht verzellt het, hend beid toechtere gseit, dass ihri muetter the worst driver all over the world isch. dodrufabe hets gseit: "ich hets schono gmerkt, dassi chere mues!" d'becki und ich hend ues agluegt und voll losglachtet!!! absolut unueberzuegend!;-)

but in the end we got back safely!

ok, wuensche eui e schoeni besinnlichi adventsziit (die stimmig chunt do naemli noed so uf)

cu soon,

hug silvia

hi u guys at home

ich weiss ich han scho lang nuet meh vo mir ghoere loh... *I'm so sorry* bin irgendwie immer beschaeftigt gsi und letscht wuche isch au no uesen pc abglege....

churz zaemegfasst was ich so i letschter ziit gmacht ha:

1. study study study (noechscht maentig isch mini erscht pruefig!!!)

2. bin letscht wucheend in australian zoo gange... -> fotoalbum

3.spent many evenings out having fun!;-) (mini hostmother frogt mich immer: "where do you get the power from to be always busy?"

bi ues i de schuel kehrt langsam echli trischti stimmig i, wil viel bald brisbane verloend oder das scho hend.

ich han do wuerkli so kuuhli fruendschafte gschlosse, dasses schwer isch zum abzreise... (aber natuerli freu ich mich au ufs acho dihei

:-))

usserdem han ich underdesse min trip organisiert: zerscht werd ich mit em bus noch magnetic island fahre (for christmas) und fuer neu johr wiiter noch cairns. vo doet flueg ich daenn noch sydney und reise wiiter bis noch melbourne... ihr gsehnd es isch so einiges los und mini ziit isch ziemli vollgstopft. (gud dutsch, gell monock?*groel*)

ah jo, good news: ICH HAN MINI CAMERA WIEDER!!! ihr glaubed gar noed wie gluecklich eim das mache chan!

also mini liebschte, take care und ich verspriche dassi schneller wieder vo mir ghoere loh!;-)

euri silvia

merry christmas

churz und buendig:

MERRY CHRISTMAS!!!:-D

abentuerlichs wucheend in noosa

hey dudes!

how are you doing? han ghoert dasses gschneit het uf de andere halbchugle...

ich han wieder so einiges zbrichte: ich han naemli es abentuerlichs und unvergaesslichs wucheend am strand bzw im regewals verbrocht.

mit 20 andere studente vo minere schuel simmer am fritigobig richtig noosa abgfahre. noch 2 stund fahrt simmer fascht am ziel gsi. betonig uf fascht, wil uesen buschauffeur nueme wiiter gwuesst het. noch langem diskutiere und umetelefoniere isch uese reis wiitergange. underdesse isches scho dunkel gsi und mir hend nume gwuesst, dass ueses backpacker im regewald si soell. mir sind ueber e holprigi stross zum ziel cho. doet acho isches um dschlofplatzsuechi gange denn eigentlich hettet noed alli es bett gha, sondern 8 vo ues hettet imne zelt muese schlofe.

ueberraschenderwiis hend aber alli es bett becho fuer die erschti nacht!:-)

tip: goend mol goh dfotene aluege...

stelled eui vor, dass es absolut dunkel isch, unglaublich viel gruesch zghoere sind und es ziehmlich schwierig isch im dunkle dur de wald zlaufe ohni oepis zgseh. usserdem sind di andere gaescht ziehmli special gsi. ich han sgfuehl gha dass die zivilisierti gegende sletscht mol vor 10 johr gseh hend! s. badzimmer isch noed wuerkli en ruum gsi sondern meh en offne understand mit ennere wc-kabine... es plumpsklo verstoht sich!;-) chalts wasser zum tusche isch gratis gsi, fuer warms het mir 20 cents muese inneloh... e ungwoehnlichs gfuehl waehrend de duschi zrugg zum portmonee gzgoh und 20 cent zsueche!;-D

am naechschte morge isch en bus is zentrum gfahre... s'problem isch nume gsi, dasses nume 12 plaetz im bus gha het und mir 21 gsi sind. gluecklicherwiis han ich choene fuer de tag zrugg id zivilisation und dae wunderschoene nationalpark go aluege. natuerli hemmer au de strand gnosse.

am obig zrug im camp isch ues nuet anders uebrig bliebe als ums fuer umezsitze und z'quatsche... es het kei moeglichkeit geh zrugg id stadt zgoh.

am noechschte tag hemmer alli zrug id stadt muese will vo doet uesen bus noch brisbane gfahre isch. mir hend gwartet und gwartet uf de transfer vom camp zu de stadt for hours.... eigentli hetter am 9i soelle do sii, es isch 10, halbi elfi, elfi worde bis de superbus entli cho isch. aber sich do drueber ufzrege lohnt sich bim beschte wille noed... es ghoert eifach zu australie dezue.

ihr gsehnd bi mir isch einiges los...

liebschti gruess

yours

silvia

salutti

es grosses unglueck isch passiert: mini camera isch kaputt!!!!!!

ohhhh mensch, irgendoepis mit de linse isch futsch. ich mues sie ischicke und es chan mehreri wuche go bis ich sie wieder han!!!

drum wirds i noechster ziit kei oder wenn nume wenig fotene geh!:-( vilicht chan ich vo anderne fotene ha, dass ich glich erinnerige han.

wil ich eui ez kei neui bilder chan zeige, werd ich eui es paar anektote vo miner hostfamily zum beschte geh:

- zum bispiel swaesche do isch es richtigs abenteuer. wil do jo swasser knapp isch, het mini family vor johre en tank istalliert wo swasser wo vom dach abechunt sammlet. zum dwoeschmaschine im undergschoss zum laufe bringe, schluesst mer de garteschluch am tank (man bedenke er isch uf de andere huussite als de iigang zum undergschoss;-))a und zieht en under em huus dure bis zur woeschmaschine. doet loht mer swasser (chalt) ilaufe und wartet bis maschine voll isch. daenn rennt mer zrug zum tank zum en abstelle. so, de erscht schritt waer gschafft!!

mit seife und chaltem wasser wird woesch automatisch gwaesche.

dass jedoch s'woeschmittel usegoht, muess mer die ganz maschine nomol vo hand mit em schluch fuelle und dmaschine wiiteri 10min laufe loh.

- mini hostparents: ich han mich schnell dra gwoehnt, dass sie in dauerndem striit sind, besser gseit, d'bernie dmuetter striittet mit em tony und er ignoriert si. am afang bin ich echli confused gsi aber underdesse I'm used to it. sie het zum bispiel scho gseit: don't pay attention what he says, he's going mad!!!

wil dbernie gern musig het waehrend em aesse, stellt sie sie immer wieder i, obwohl de tony fascht taub isch und dgsproech noed verstoht wenn musig im hindergrund lauft. letscht wuche het sie eimol meh so panfloetemusig igstellt und er het dodrufabe gmeint: " what e stupid noise is that!!" und het dmusig usgstellt! ( do han ich mis lache nuem choene verhebe...;-))

-mini hostmother complains about anything. ihre tuet alles weh, mer soettet immer sgartetor abschluesse, churz vor de abreis noch new zealand het sie gseit sie choengi noed go will sie kei gueti schueh hegi, und und und....

underdesse sinds aber trotzdem abgreist zum ihren sohn doet zbsueche. mini hostsister emma het gescht obig aber gmeint, dass sie immer scho so gsi und mer sie eifach rede loh soell. usserdem het sie an stell vo ihrem dad weg de vorherig gnennte gruend ihri muetter noed ghuerote!!;-D

so, da waered mol wieder es paar neuigkeite. am wucheend gang ich noch noosa. en schwiizer student het die tour organisiert fuer 20 luet. leider hend i uesere underkunft nume 12 luet platz drum muend 8 verrusse im zelt schlofe und noch einere nacht wird gwechslet.... mol luege wie das usechunt!;-)

ganz liebi gruess

euri silvia

my weekend in byron bay

Letscht wucheend bin ich mit de caroline vo neuchatel noch byron bay gfahre. das isch 2h mit em bus vo brisbane entfernt.

mir hend e tour buechet, wo 2 naecht, food und 2 surflesson includes.

ues isch zwar chli mulmig zuemuet gsi, denn das surfboard isch ues sehr suspekt vorcho. trotzdem hemmers gwogt.

ich mues saege, dass byron bay vor allem fruehner sehr bekannt gsi isch als hippi-dorf. do in brisbane isch jo scho alles ziemli easygoing, aber in byron isches no ums 10fache staercher.

zum es bispiel znenne: uf de hiifahrt hend de driver gfroget, obs es paar im bus hegi. wo niemert gantwortet het, het er d'caroline und mich gfroget obs ues egal waer im gliche bett zschlofe, will s'backpacker ueberbuechet isch (man beachte, dass mir scho zahlt hend;-))

d'caroline het sofort igwilligt wil si gmeit het es segi es doppelbett und ich bin ziemli erstunt gsi. aber ich han denkt... cool down silvi (so werd ich do gnennt;-))

nochdem mir acho sind hemmer das einzelne bett becho und mir sind noed ungluecklich drueber gsi, wil mir imne separate room gsi sind, wo mir hend choene abschluesse. dorms suscht hend sehr sehr sehr messy usgseh....!!!!;-)

s'surfe isch echt cool gsi.... bin sogar fuer es paar sekunde uf dem instabile ding gstande!!!! *jubeeee*

aber am obig und vorallem am noechste tag, simmer fascht noed vom flaeck cho, wil ues alles weh to het.

de uusgang isch sehr special gsi: mir sind dauernd vo irgendwelche komische luet agsproche worde, wo alli s'glich gseit hend: "nume es wucheend in byron? gend eui studies uf und bliebed es johr lang do. nochane wender nueme weg."

yours silvi

p.s: ich han eui nume die schlechtischte bilder ufeglade, dass ihr noed zfescht iiversuechtig werded!!!;-D *groel* (nei, isch natuerli en scherz)

dolphin

das waer ez no das versprochene foti....

das isch den noed gfaked... so hemers gseh...

the time is running

hey guys

und, hets underdesse i de schwiiz scho schnee geh?

ich chan mir das momentan gar noed vorstelle, wills do so heiss isch. isch es komischs gfuehl mit churze hose durd gstell vo de wiehnachtsabteilige vo de laede zlaufe...;-)

huet han ich choene min flug uf de 10.januar verschiebe!!:-) ich werd also erscht am samstig de 12.januar z'zueri acho.
wills noed moegli gsi isch i dere ziit ab brisbane z'fluege han ich eze en flug ab melbourne.
bin aber ueberhaupt noed ungluecklich drueber, will ich jo sowieso gange go reise, d'route aber nonig feschtstoht.

letscht wucheend bin ich ufere whale watching tour gsi... choend d'foeteli aluege... mit minere digicam bin ich aber immer echli zspot gsi. chume aber vonere kollegin spoetr no besseri ueber.

das waers mo fuers erschte...
heissi gruess
silvia

my photos

salutti!!!

ich hans underdesse gschafft mol di erschte fotene ufezlade, so dass ihr en erschte idruck bechoemed vo mim ufenthalt do...
wenn ihr d'fotene alueged, daenn klicked bitte noed uf slideshow (wil so gseht mer mini kommentaer zu de einzelne bilder noed und wenn ich mir doch scho dmueh gmacht han zum chli oepis zschriebe...) sondern klicked ufs erschti foti und nochane uf de -> noch rechts.

have fun, bim aluege,
yours
silvia

News from Down under

Hello everybody

ez isches scho wieder 5 taeg her, sit ich sletscht mol oepis gschriebe han. d'ziit verfluegt do wie im flug (guete spruch!;-)) .

wie ich jo letscht wuche gschriebe han, bin ich zu dem BBQ gange, zum die einte students zverabschiede. z'australie i oeffentliche parks hets so elektrischi grill, wo jede benuetze chan wo zerscht doet isch.
mir (e gruppe vo oeppe 30 luet) hend ein in beschlag gnoh und druf wuerschtli grillt . die sind besser gsi als das ich erwartet han.:-)
ich han en huufe luet kenneglernt, wo au i miner sprochschuel sind. En schwiizer vo bertschikon (da isch next to uster) kennt sogar es paar us mim ehemolige lehrerteam. Das isch recht strange, wenn mer am andere endi vo de welt oeper us em wohnumkreis vo 5km trifft und erscht no di gliche luet kennt!
viel meh chan ich zu dem obig noed verzelle... probier aber spoeter mit minere host-sister d'bilder ufezlade. aber die pc's sind do so laaaaaaaaangsam...........

am wucheend han ich e homemate vo venezuela uebercho. sie heisst vanessa und isch glich alt wie ich.
Sie het eigentli letscht mittwuch soelle acho, doch will sie de flug z'chile verpasst het, isch sie erscht 2 naecht spoeter vo doet richtig aukland und denn noch sydney wiitercho. d'sydney isch sie wieder z'spot gsi und het nomol e nacht muese warte. underdesse isch sie aber aendlich todmued acho.
am samstig han ich ihre chli d'stadt zeigt (wie wenn ich scho sit ewigkeite do waer;-)) und ha ihre gholfe s'wichtigschte organisiere (natel, hairdresser, adapter, ...) apropos hairdresser.... sie redt noed so guet englisch und ich bruch amigs mini imagination zum verstoh was sie meint. bis ich gschnallt ha, dass es z'venezuela ueblich isch zum 2mol i de wuche zum coiffeur zgoh und nume d'hoor z'foehne isches ewigkeite gange. fuer was das aber guet sie soell, verstohn ich immer nonig.;-)
mir verstoend ues sehr guet obwohl sie tuet sich leider chli schwaer zum sich azpasse und chan ihri ziit do nonig so richtig gnuesse... aber da wird sicher no besser.

am samstig bin ich mit uesem activity-organizer called mike uf ere "brisbane market tour" gsi, wo mir verschiedeni maerkt agluegt hend. do sind mir in chinatown gsi, was mir sehr guet gfalle het.

so ez isch 5i bi mir und ich mues d'schuel verloh will sie gschlosse wird.

uebrigens: ich han mich sehr ueber die zahlriche comments gfreut!;-)
nei, don't be shy, please write down your comments. suscht mues ich halt wiedermol es raetsel kreiere...;-)

yours
silvia

my first week in brisbane

hey guys
thanks a lot fuer eui idee.... ich han gwuesst dass ihr dloesig vo mim raetsel noed werded usefinde...;-) aber eui erklaerigsversuech hend mich vor em pc wuerkli zum lache brocht, so das min teacher gfroget het: "Silvia, are you ok?"
ich werd eui drum noed laenger ufd foltere spanne und dloesig verrote:

in australie hets sit 4 johr sehr wenig graegnet, was dezue gfuehrt het, dass vo de regierig us verbote worde isch zum pflanze mit em garteschluch z'traenke. drum sammlet mini family swasser i de tuschi i dem chuebel zums nochane in garte useztraege und d'pflanze z'traenke!

that's the simple reasen!!;-)

so ez werd ich eui aber nochli ueber my everyday-life verzelle.
mini family isch sehr laid-back, was soviel heisst wie sie sind sich gwoehnt luet us em usland bi sich zha und sind drum sehr unkompliziert.
ich wohne imne 100joehrige huus, wa mer uf de erscht blick aber noed gseht... bim zweite mol hereluege merkt mer aber, dass es schochli old fashioned isch. especially im bad hend sie es moebel us holz mit emne chline woeschbecki (werd i de noechste taeg mol es foti ufelade). es gseht us wie en schrank wo mir i de schwiiz normalerwiis s'gschirr versorged.
mis zimmer isch guet igrichtet und het sogar e tuere zu de veranda! it seems to be great, doesn't it?s'problem isch nume, dass vor langer ziit oeper de schluessel zu de fluegegittertuere verlore het und mer die ez nueme ufmache chan!;-( also mues ich wie alli andere au durd stube ufd veranda.
die beide toechtere (becki und emma) wohned im undergschoss vom huus. es git aber kei direkti verbindig zu dem stock, sondern die beide muend zu de verandatuere us und dur de garte zum zu ihrem bedroom z'cho. (geschter hets so e haesslichi unke uf em waeg gha und die eint tochter isch im dunkle drufgstande!!!!!! iiiiiiiiiiiiiiiiiiiiiiiiiiiiiii..... -> oepe so het sie gschraue -> nochher hends die unke, wo wuerkli haesslich gsi isch und gift spuke chan, mit emne spray toetet.)
apropos tier, do gits en huufe do z'australie... schoeneri und weniger schoeni...
zu de agnehme zellt sicher de hund molly vo de family. den hoerts den aber scho gli uf, wil di andere sind weniger agnehm. zum bispiel isches ganz normal, dass geckos (gruss an tina;-)) im huus umechroeched (dfenschter sind jo tag und nacht offe), kackerlacke im huss flueged (mini host-sister emma toetet sie am liebschte mit ihrne flipflops) und d'opossum (gsehnd us wie oepis zwuesched seeeehhr ueberdimensionierti ratte und ere chatz) uf em huusdach znacht umerenned. wie die pech hend und obeabechoemed den werdeds vom hund molly schnappt und gfresse (das toent au schoen...;-))

ihr gsehnd i dem alte huus, made out of wood, isches znacht nie ganz still. will mini hostparents bis am mittwuch i de ferie gsi sind, bin ich allei im obere stock gsi und am afang fascht gstorbe vor angscht. will dfenschter jo offe sind, de hund dusse uf de veranda umelauft, d'opossums uf em dach renned und quitsched, wie es baby wo grad gmetzget wird, s'holz vom huus knarrt und irgendwelchi insekte umeschwirred han ichs vermiede znacht ufs wc z'goh... maengmol chamers halt noed stuere...

so ez hend ihr mol en idruck wie ichs so deheime han... mues aber no hinzuefuege, dass d'family wuerkli absolut super isch.... chli komischi agwohnheite hends scho, aber ich bin jo do zum oepis neui kennelerne.

zu de schuel:
ich bin do innere coole class with japenese, kolumbian, swiss, thai, corean, brazilian and mexicon students.
mini lehrerin d'belinda macht en super job (sehr abwechsligsrichi activities) und ich fuehl mich gforderet.
am nomitag bin ich imne teacher-course, wo mir au d'moeglichkeit hend zum e klass vom level 2 z'underrichte zum chli practice ueberzcho. gescht isch mis erschte mol gsi und es isch de hammer gsi: alli asiatische students hend, egal wa mir mit ihne gmacht hend, zerscht mol "aaaaaaahhhh", " uuuuuuuuuuuuuuuuuhhhh" oder "ooooooooooooooooohhhh" gseit!

jede fritig hend mir do e gratuation-conference wo alli wo ihri zit do a de schuel abschluessed, verabschieded werded. huet nomitag sinds grad es paar gsi, eini devo e schwiizerin called selina. will sie noechst woche goht go reise und sie nuem uf brisbane z'rugchunt, het sie es BBQ im park organisiert, wo ich au debii sie werd.

so, das isch sind mol mini erschte iidrueck und erlebniss gsi...
en liebe gruess us em warme brisbane
yours
silvia

Raetsel badewanne

hey guys!

bevor ich eui zuetexte mit viele neuie idrueck und erlebnisse wo ich gmacht han, han ich eui grad emol es chlises raetsel. uf em foti gsend ihr e badwanne mit emne rote chuebel drin.

Now: Guess what it could be for?

don't be shy, just write your answers down as a coment. it could be funny to read your ideas...;-)

themawechsel: fuer die wos nonig wuessed: ich han e neui natelnummere wo nume do z'australie gilt und die waer: 0061423749686

so, das waer mol s'wichtigscht, bin gspannt uf eui vorschlaeg...

greets

yours silvia

hey guys

how are you doing?

ich han underdessen en blogg igrichtet, waehrend de ziit wo ich z'australie bin. ihr choend mir do mitteile wasses so neuis us de schwiiz zbrichte git und ich werd eui uf em laufende halte, wies do a dae waermi isch...;-)

wuer mi freue wenn ihr ab und zue mol inelueged und chli spure hinderloend.;-)

greets
yours
silvia